BETETANGGUHAN/BERASAN II

TANGGUH PERATONG

Na ajo sekam 3-4 jongji mungggak dibingi sinji ngehawosi neram rumpok keunyinni sai wat diunggakji laju kik pak sai wat dilambanji pai pemangkalni, dipangkalkon wat nihan lehot umanat sekamm rumpok pehaguk peserumpok lagi injuk selama ni no, na riakik irak-irakni hati sekam rumpok aga ngekicik dimulejak.

Kemujoran mawat hak ngebilang bingi rani wat do dia lehot umanat peserumpok sai diunggakji, ngehagako sekam rumpok sai jak doh haga munggak, na reno dia kati unggakni sekam rumpok telu pak jong ji dikala bingi sinji.

Kik ngangonko dibalakni jingkawan sekam rumpok laju kik pak disekendua di sai nyemukakon tangguh patut saddo dia tangguh sai butanggun tila besusun, tapi dilom disan bagi ni sekendua haga lamon-lamon kilu mahap jama peserumpok dipangkalkon injuk bagini sekendua pandai sa mawat apilagi kik biasa.

Selanjutni jak isan kik ngangonko di patutni jingkauan patut saddo dia sekam rumpok sai munggakji injuk bagini tian sai metuha tapi sekam rumpok haga lamon-lamon kilu mahaf dipangkalkon injuk bagini tian rumpok sai tuha lamon muneh rasani badanni tian rumpok (kurang sehat), selanjutni jak isan kik ngangonkon patutni jingkauan sekam rumpok patut saddo dia sekam rumpok sai munggakji di bubilang, kintu sekam rumpok sai munggakji mawat bubilang sekam rumpok haga kilu mahaf dipangkalkon sekam rumpok sangun makung hak bubiolang, dipa disampang jingkauan ni tian rumpok sai mupatut dikala bingi sinji apilagi kik ngepehampangko jingkauan.

Selanjutni kittu bang sekam rumpok sai munggakji radu kesambut dipeserumpok radu bubilang na lain dia sekam rumpok kik ngehunjakko lengkedoh sekam rumpok aytau kik ngucakko minak muari sai di doh radu bubilang atau pakatni mengampungan na jadi sai harap sekam rumpok aga kesambut di mejong disesedongan. Selanjutni jak isan kik ngangonko balakni jingkauan sekam rumpok nutuk kon peranti peranggu sai radu, nutukanko lehot umanat ni tian rumpok sai metuha kittu wat jingkawan sai mupatut ria kik hagangepekicik kati temuni sanak bai sanak bakas ria kik muli meranai aga budan lain dia kik besemaya di sebingi rua. Na patut saddo dia wat tanda penceciren sekam rumpok nandakon mintar jak anok jenganan sekam rumpok ria kik bebunyini kirim peratong, na ria kik rincini ngangas ngudut pak sang tetok, tembaku kik sang buok atau cambai pak sang helar, buah kik pak kebelah, kejujuni kik wat ajini pak cutik. Riaki berupa kanan hanekan rincini senang seri sang bitah rua sai radu butepin rik busani, reno muneh berupa pulung pakaian, kitu bang mawek keusung ulehni sekam rumpok na sekam rumpok kilu mahaf lain dia kik tipurincang, tiputetok, tipuhanggan, kejujuni kik ti pukurang. Kittu mak lain ulehniperi keperitukan serta kemawatan sekam rumpok sai didoh.

Sebalikni jak isan kittu bang wat keusung ulehni sekam rumpok ria kik bunyini kirim peratong, seno kirimni sai tinggal perantongni sai bujingkau haguk sanak pura sai diunggakji, beribu-ribu sekam rumpok harap kilu sanggun kilu terima haguk peserumpok. Na senopai dia tangguh sekendua disangalengkedoh seno mawat hak mekejung.

TIMBALNI TANGGUH PERATONG

Na payu radu nengisi dia bagini sekendua laju kik pak disekam rumpok sai wat dilambanj pai pemangkali. Lajukik pak tian sai tuha dilom.

Na watdo dia tawaini tian rumpok , na ria kik jingkauan peserumpok sai mupatut dikala bingi sinji injuk bagi ni sekam rumpok sai diunggakji mawek hak kebok hati aga ngemahafkon ya. Na selanjutni jak isan ria kik cancang gimbungni peserumpok sai munggak dibingi sinji radu kesambut disekam rumpok mejong disesedongan.

Na selanjutni jak isan ria kik bunyini peserumpok sai radu wat keusung ulehni peserumpok dikala bingi sinji, radu sanggun keterima disekam rumpok sai diunggakji, kittu wat nihan bubuh lapokni tangguh peserumpok kak serebok lagi mak cigani disemukako peserumpok do,

Na seno dia uloh timbalni tangguh pesekam disang lengkedoh ampai karu.

***Peratong tikurukkon dilapang lom dibagi-2 + buak nginom, dibagiko di minak muari kiri kanan  daleh wat muneh sai tiulohko cutik jama sai ngusung peratong.

BETETANGGUHAN / BERASAN

TANGGUH PENGGEGIROK

Biasani tangguh sinji tisampaiko kak waktu haga berasan, biasani sebegitu neram sampai dirang berasan na disambut tian rumpok jak lumpak terus mejong di lapang luar sambil marok biasa, jak seno diurau tian mengan pai, jak mengan dikariko tian nginom kupi  sambil ngudut segitu lagi basani ngudut injuk radu tesengkurung unyin na waktuni sai lumpak jeno nagguh pertama gelarni tangguh penggegirok isi ni tangguh kurang lebih yado :

###### ------- ########

Na tabik pai SEKINDUA haga nagguh sanggan mencutik haguk peserumpok Seunyinni sai wat dija, laju kik pak dilambanji, ria kik pak di PESEKAM pai tumpakni tangguh.

Na ajo mengan radu, nginom radu, ngudut kik pak sekadarni na radu muneh, kittu ajo bingi radu mulai kiser merelom aga tibalin neram rumpok pai dia rencaka neram rumpok. Na ria kik sekam 3-4 jongji na munggak/lumpak dibingi sinji ngehaosi/ngehandosi neram rumpok kaunyinn sai wat dija, laju kik pak sai wat di lambanji pai pemangkalni.

Na lain dia sekam 3-4 jongji kik munggak dikala bingi sinji berupa anjau silau injuk selama ni no atau marok pulalimbu injuk sai radu, nakittua haga wat nihan dia lapahan sai mubalak serta jingkauan sai mupatut.

Kittu bang mawat sangkut halanganni ani peserumpok, aga wat nihan dia tangguh ni tian 3-4 jongji kak serebok lagi. Na sebalikni jak isan kittu bang lagi wat sangkut halanganni ani peserumpok, na ria kik injuk urawan ni tian dilambanji making letak tesengkurung disai mupatut, ria kik sai diuma making mulang sai dibah making cakak, na mak ciga diaretianni ti pepenah neram rumpok kak serebok lagi, na ajo bingilagi mehayu.

Na senopai dia tangguh SEKINDUA disang lengkedoh seno mawat dia kik tangguh SEKINDUA mekejung.

TIMBALNI TANGGUH PENGGEGIROK

Payu ana radu nengisi dia bagini sekindua, nutukanko tangguh pesekam disang lengkedoh ampai karu, ilamat kik pak mawat diakik dacok kutimbali Sekendua di sai mupatut, namun dilom disan na haga kutimbali juga di antakni sai keingok dianggani sai mak lupa.

Na ria kik SELIKUT TEPOK ni tangguh pesekam ngimbang ko dingeluleh, injuk bagini peserumpok 3-4 jong dikala bingi sinji, na munggak ngehaosi neram rumpok sai diunggakji laju kik pak sai wat dilambanji.

Haga watdo dialapahan sai mubalak serta tangguh sai mupatut ani pesekam na dilom disan wat do dia sangkut halanganni sai mubalak, ria kik urawan ni tian rumpok dilambanjji making tesengkurung di sai mupatut.

Na tapi dilom disan, injuk bagini tian rumpoksai making tesemuka dibingi sinji ngimbangko di rua cawa, yaddo dia mak ciga dia tiwewarahi neram rumpok kanah perda dijemohni, kittu wat bubuh lapokni tangguhpeserumpok kak serebok lagi mak cigani disemukako peserumpok do.

Na reno pai uloh timbalni tangguh pesekam haguk sekindua diampai karu.

###### ------- ########

Tangguh seno juga dijawab luwot ulehni sai pertama nagguh, biasani mani meramik sai munggak/lumpak maka tangguhno juga jeno tiparehko haguk tian 3-4 jong jeno cara marehko tangguh yado :

Pun……..!!!!

Na injuk bagini sekindua jak nyemuka kon tangguh haguk beliawan diampai karu, na riakik pangkal ni tangguh sekindua ngimbangko di ngeluleh, na watddo dia tunjuk tawai ni beliawan sai mupatut diampai karu haguk sekindua na kittu wat haga bubuh lapokni tangguh ani beliawan. Na mak cigani disemukakon peserumpokdo ani beliau, na reno dia tangguh sekindua haguk pesekam, kittu wat bubuh lapokni tangguh neram 3-4 jong kak serebok lagi na haga psekam pai dia nyemukakon ya.

IMPUN BAH MEKONAN 5 RANI SEMAKUNG NAYUH.

TANGGUH WARAH;

Sai dipercaya isini lamban (pengayunanni batin sangun tian rua jong minggoman) nangguh ngehaguk sai hadir tesemuka sai jak tiundang dikala dibi jeno haga nutuk impun bah mekonan jak kiri kanan ni lamban serta minak muari sai pepatutni haga ngejunjung tayuhan sinji (nangguh sinji wat sai ti tuju/tumpakni tangguh umpamani jama radin menguk, batin sangun dll.) mani sifatni lain pengumuman.

Na tabik pai sekindua haga nagguh sanggan mecutik kik pak di pesekam pai tumpak ni tangguh, na dipangkalko nutukanko pengayunanni BATIN SANGUN dilambanji, na ajo neram dikala bingi sinji jak di rik-rik i (dicawako) sanak pura dilambanji na lain dia neram rumpok kik berupa anjau silau injuk selamani no atau marok pulalimbu injuk sai radu.

Dipangkalko injuk bagini sekindua haga buwarah serta becerita ngehaguk neram rumpok sai tesemuka dikala bingi sinji na ria kik nutukanko warahni batin sangun tian rua jong minggoman dilambanji, na ria kik radu sebulan ditanno ria kik injuk Ahmadji serta rik keruani jak buwarah ngehaguk tian rua jong minggoman na ria kik nutukanko sai warahni sai mesanak jak ngicik lalang begurau ngehaguk sanak sai diunggak kik pak di Nur pai pemangkalni, nutukanko warahni sai mesanak na tian sai mesanak jak bubanggan serta burecaka disai mupatut, haga nutukanko dikerintokan ni rik kerimpakni tian sai mesanak.

Selanjutni jak isan kik nutukanko warahni sai mesanak na watdo dia sirok pedom rencaka ni tian sai mesanak na radu megegai ngelambung di melesai, nutukanko warah ni sai mesanak mawek dia kik dapok haga ngelajuko rencaka sinji haguk tian diunggak mak lain haga buserah saddo jama neram rumpok sai metuha.

Semenjak nerima warah ni sai mesanaka mehanjak serta nerima saddo dia injuk batin sangun tian rua jong minggomanlaju kik pak disekam sang muarian, na radu wat seminggu sai radu liyu bagini sai mupatut dilambanji jak munggak sa muneh ngekebelongko sai warahni sai mesanak neram rumpok serta bubanggan serta berencaka disai mupatut na radu megegai ngelambung dimulesai kik nutukanko di pulidanganni rencaka ni tian rumpok dikala dinana radu sampai di janji semaya na seno sa na nepat di rani Kemis tanggal 10 bulan hadapji.

Na tapi dilom disan ria kik janji semaya senoampai irak-irakni hati sekam rumpok sang muarian saddo ria lain dia janji semaya seno kik haga jadi benanganni rencana neram rumpok , na kinttu bang kittu nihan wat halangan sai mubalak na ria kik guaian ni minak muari sai mepatut na mak cigani janji semaya seno ti ija ataupun ti udiko neram rumpok.

Na seno dia tangguh sekindua haguk peserumpok sai wat tesemuka dikala bingi sinji sekam rumpok laju kik pak disekindua sai jak nyemuka ko tangguh, haga lamon-lamon kilu mahap na riakik adu ganjorni rencaka neram rumpok sai wat radu tesemuka dikala bingi sinji, na seno dia tangguh sekindua disang lengkedoh seno mawek kik mekejung.

JAWABNI TANGGUH WARAH JAK BATIN SANGUN;

Selesai nangguh maka tangguh diatas dijawablah ulehni batin sangun jeno yaddo dia jawabni :

Payu pun radu negis dia sekindua nutukanko titangguh pesekam diampai karu, na ria kik puson son ni neram rumpok dikala bingi sinji dilamban sinji na haga watdo dia warah serta cerita pesekam nutukanko pengayunanni batin sangun tian rua jong minggoman dilambanji, na ria kik adu wat sebulan di tano na ria kik Ahmad ji serta rik kerua ni na jak buwarah ngehaguk batin sangun tian rua jong minggoman ani pesekam, semenjak ni nerima warahni sai mesanak ani pesekam mehanjak serta nerima sado dia batin sangun tian rua jong minggoman laju kik pak di sekam sang muarian ani pesekam dikala karu, naselanjutni jak isan adu wat seminggu sai radu ani pesekam ria kik sai patutni sekam rumpok jak dohji ani pesekam jak munggak ngecumbuko sai warahni sai mesanakneram rumpok sai didohji ani pesekam. Injuk bagini tian rumpok sai pepatutni dikala dinanajak bubanggan serta becerita diunggak adu megegai ngelambung dimulesai ani pesekam, kik nutukanko pelidanganni rencaka ni tian rumpok ani pesekam adu sampai di janji semaya na riakik janji semaya seno yaddo dia meto di rani kamis sai tihadapi tanggal 10 bulan sinji ani pesekam.

Na payu adu maklumserta paham do dia di ujud maksudni tangguh pesekam diampai karu, na injuk bagini sekam rumpok laju kik pak disekindua, na injuk bagini sekam rumpok laju kik pak di sekindua sai tumpakni tangguh na mawek kik kebok dihati aga ngemahafko ya na serta janji semaya sai radu dipubanggan tian rumpok mawek hak aga sangkut berebatni disekam rumpok, na patut saddo dia janji semaya senona haga mejongdo dia aga nutukanko sai radu di rencaka ni tian rumpok kala dinana.

Na seno dia uloh timbalni tangguh pesekam haguk sekindua diampai karu kittu wat haga bubuh lapokni tangguh na mak cigani disemukako peserumpok do....

Bubuh lapokni tangguh masalah cancang gimbung ni guayan jak isini lamban sai dipercaya jama batin sangun tian rua jong minggoman isi ni bubuh lapok tangguh seno masalah guaian sai haga tihadapi injuk melaway, kepancung, nyelimpok, napai, serta betetikolan daleh ngelemang isini yado :

Na payu haga wat muneh dia bubuh lapokni tangguh sekindua na riakik kemujoran mawek hak wat sangkut halangani ani peserumpok dijanji semaya seno, haga mejongdo diainjuk janji semaya sai radu dipubanggan tian rumpok dikala dinana.

Selanjutni jak isan kik ngangonko dilunikni guayan neram rumpok haga ngeperintokko sanak rua ji haga melunik saddo dia ibarat ni barang mak dapok tisadak ibarat ni tulisan mak dacok tibaca, na tapi dilom disan mawek kik dapok sekam rumpok sang muariyan ria sai haga ngejinjing guayan sinji mak lain haga beserah saddo dia jama peserumpok sai radu tesemuka dikala bingi sinji ya bebai bakas sanak ragahni, na mawek mubangik dihati sekam rumpok kik mawek sai mupatut ni neram rumpok sang muawriyan haga pu son-son (kumpul), sebalikni injuk bagini tian rumpok sai makung dapok tisemuka diguaian sinji sekam rumpok haga lamon-lamon kilu mahaf lain kik wat kati negbani atau ubah pindahni jak sai radu, mak lain kittu injuk guaian sinjji aga mecutik sado pai kik bunyini haga bedua malam jemahat kidang tisani neram rumpok di rani nyin metilah disegala langkah neram rumpok.

Selanjutni jak isan kik ngangonko di janji semaya seno radu mumbung di seminggu sai radu, patut saddo dia disegala pekarian radu kari tapi dilom disan mejaoh dia kik ria segalani makung hak wat tesengkurung na mak lain haga bebarong saddo dia neram rumpok ria ki berupa baban haga bebarong neramrumpok haga ngiwakkoya kittu bang berupa jingkawan haga bebarong neram rumpok ngejingkawiya sekam rumpok haga nyerah saddo dia jama peserumpok baik guaian sai dibah maupun sai diatasni na riakik diguayan seno. Na watdo dia nutukanko lehotni sai mupatut baituha dilom jeno na riakik watddo dia senagseri disang mecutik sai berupa siwok, irak-irakni hatini sanak kemeno haga manjinko pancung di sai ruani, serta haga guaianni bebai aga ngesesimpk napai bunyini. Na ria kik selanjutni jak isan neram haga nyerelai kik pak cutik na ria kik wat muneh lelupak ni tian dilambanji haga tisilau neram, dipangkalko negbuntuko sumor na serta watdo pepatianni sanak pura dilambanji sai dapok titikol neram rumpok na ria kik bunyini sanianni gulai, na selanjutni jak isan kik bingi ranini neram rumpok haga ngeguaikoya haga beserah jama peserumpok kapan juga ani peserumpok. Na seno dia tangguh sekindua disang lengkedoh seno mawek kik mekejung.

JAWABANNI TANGGUH JAK BATIN SANGUN;

Na payu ana pesekam diampai karu jak ngebubuh lapokko tangguh kik pak disekindua sai tumpakni tangguh, na kemujoran dia mawek hak wat sangkut halanganni janji semaya seno sai radu tipubanggan tian rumpok kala dinana, na dilom disan injuk bagini sekam rumpok sai radu tesemuka dibingi sinji nyansat nyenghaja saddo dia repa juga susun sapaini atau tunjuk tawaini peserumpok, na ria kik cancang gimbungni guaian neram rumpok sai dapok tesemuka haga ngeperintokko sanak ruaji sekam rumpok radu maklum, selanjutni jak isan na riakik nutukanko diguayan sekam rumpok sangun haga ngiwakko guayan. Api juga guaian ani peserumpok atau pun dijingkauan sekam rumpok sangun radu nyansat ngenghaja, na seno dia uloh timbalni tangguh pesekam haguk sekindua diampai karu.

____________________________________________________________________

Selesai acara seno marok biasa kik bahasani tabang tiyung/mawek pakai tehto lagi injuk marok biasa mungkin ngemarokko melawai disabah dipa-ipa kapan nyepok pancung, ya mungkin aga ngabing anau muneh negakko kelasa, nyani rangnyunjong pokokni melamon kidang timarokko biasa mawek pakai tumpakni tangguh.

DANG LUPA DILAPAHAN, INGOK JAMA SAI TINGGAL

Dilom menempuh kehurian tantu neram rumpok selalu busepok dipa-ipa juga jak sai wat dilom pekon, tetangga pekon di pematang, disabah diatar, diuma bahkan kik dizaman tanno ya sampai di kota, diluar provinsi rik lintas negara kik zaman tanno radu mawek lagi hak menjadi batasan, pokokni dipa juga rangni sai jelas rang busepok haga pakai ngelangsungko kehurian baik untuk keluarga, masyarakat, daleh minak muari seunyinni. Sampai keliling dunia juga mawek menjadi masalah.

Sai tinggal dilom pekon biasani nerusko generasi sai tinggal, baik rukun peranti, guayan serta tatacara hadat istiadat reno muneh ngejaga warisanni ulun tuha nyin selalu tetap terjaga, guayan tanggung jawab serta bebanni kik tinggal dipekon jama urusan minak muari radu tantu lebih berat jak minak muari sai tinggal diluar pekon, bahasa tannoni ya merantau, uleh ngeba tinggal dipekon seno disamping busepok jugani lagi latap jama kegiatan minak muari, haga ngetok ko rani, ngeluarko tenaga reno muneh pemikeran, sai jelas guayan dilom pekon lebih komplek jak sai tinggal diluar pekon. 

Sai kebetulan tanno masih beguai/kerja diluar pekon, merantau radu tantu semakungni wat relaya atau syareat hingga mencapai tempat disuatu perantauan, jalan menuju luar pekonno biasani dibekali pai jama pendidikan kik pak hak ya ikah cutik, ya lunikni pandai ngebaca rik pandai nulis, seno radu tantu menjadi mudal utamani, disan tantu muneh dia lewat jenjang pendidikan tisekulako, kik zaman tumbai ani datuk-datuk tian sekula rakyat SR, kik zaman tanno yaddo SD, atau sai bareh diatas tingkatanni, sai nyekula ko neram radu tantu uluntuha neram dipekon, jadi jak awalni neram ngebuka mata di pendidikan yado jak dimulai di pekon, sekula seno juga biayani uleh ulun tuha busepok, baik busepok didarak sabah atau kebun sehinggoni dapok ngehasilko belanja untuk kelangsunganni sekula neram reno muneh terkdang dibantu ulehni minak muari, ngimpukko belanja kik hak pak cutikya setulungan nyin neram menjadi sekula. Sehinggoni menjadi sekula mangsa pendidikan uleh pendidikan seno ngerubah cara bupiker serta busepok jadilah busepok cara rumpok, di luar pekon, ya mungkin jadi PNS, wiraswasta, pengusaha, politikus, manager perusahaan, direktur, marketing rik sai bareh-barehni mak nyak pandai lagi gelarni guayan kemeno, gelarni nyak jelema pekon mak pandai lagi nyak gelar-gelarni guayan kemeno, induh kik retini, sai jelas masih injuk diawalni jeno busepok pakai ngelangsungko kehurian. Ikkah carani gaoh sai sumang-sumang ya ujung-ujungni busepok intini ya penganik, belanja, daleh nyani anjung/lamban.

Sesuai jama judul sai wat diatas kusemukako jeno na watdo dia lehot kik pak cutik jak sekam sai wat dilom pekon jama minak muari sai wat diluar pekon, sekam sai tinggal dilom pekonji kik tata carani pandai na hak mudah ireh tehuot/tersanjung kik bahasa Indonesiani, sinji wat sai kusaniko jadi contoh jama minak muari jak luar pekon ngulang rasan jak kota ngulang kebayan kebetulan na hak nayuh muneh dipekon, na sekam sai dipekonji radu tantu kik seminggu semakung ni mulang jak kota na sekam sai wat dilom pekon radu timpuk/kumpul jak jaoh jak pasukni sampai jama hari H ni acara seno, mawek peritungan diwaktu, tenaga nguyunko guayai seno sebaga wujud penghargaan rik rasa suka cita jama minak muari sai jak luar pekon.

Jadi renolah minak muari sai tinggal di lom pekon ji selalu ngingok jama minak muari sai radu tinggal diluar pekon, bahkan risok tibimbing walau jarang tiliak ani pribahasa sa walaupun radu tinggal kik pak ya di luar negeri lagi risok juga kak marok ticawako, tidipa kapan ya mulang mit pekon daleh melamon lah, kuk rincini jak betungga atau lewat teleponpun risako ticawako daleh timarokko dilom pemarokan, na harapanni minak muari sai dipekon jama minak muari sai tinggal diluar pekon ya reno muneh lah risok ngingokko sekam sai tinggal dilom pekon.

Lehot jak minak muari di lom pekon, kik pak ya sukses diluar pekon dang kik sampai haga ngelupako skam sai wat dilom pekon kik dacok ya mulang minimal pesan dilom setahun, mungkin waktu buka/lebaran, dang menjadi alasan mani waktu sibuk, mak sempat ulehni guayan melamon, atau api lah sehinggoni betahun-tahun mak pernah mulang kuk sanak mak pandai sepa ajjong jama tamongni uleh ni mak pernah mulang na kik dacok senosa dang sampai terjadi, daleh mak cigani tiingokko bahwa semakungni lumpak mit kota, peranani minak muari, ulun tuha daleh sai bareh-barehni melamon terkadang ngimpuk ko belanja pececutik in dacok sekula gegoh di rumpok kadang nginjam dija dudi mani waktu ngirim belanja aga pakai nisanak sekula na mak muneh ngedok belanja terpaksa ditulung minak muari jadi peranni ulun tuha jama minakmuari melamon ngebani minak muari sampai menjadi injuk tano kondisini di luar kota gegoh baris dirumpok sai jak suku-suku bareh.

Jadi senolah sai berupa umanat rik lehot jama minak muari sai kebetulan tanno lagi wat di luar pekon berusaha di rantauan ria kik pak di kota pai rangni netokan dang zampai ngelupako asal muasal daleh silaturrahmi jama minak muari sai dilom pekon tinggal sesuai nihan injuk judul sai ku semukako di jenoni yaddo DANG LUPA DILAPAHAN, INGOK JAMA SAI TINGGAL. -------------------------------------------------------------------------------------------------------------------

Kekalau na jak ngebaca tulisan sinji tergerak hatini minak muari untuk mulang mit pekon sai mak pernah mulang, nguyunko pekon walaupun dirantauan mungkin jama pemikiran rik ide-ide sai cemerlang daleh menjalin tali silarurahmi jama minak muari sai tinggal dipekon, semata-mata maksud rik tujuanni untuk kebaikkan neram seunyinni daleh ngejalin tali silarurrahmi tetap erat, walaupun beda jenganan tentuni, mudah-mudahan lagi wat sai setuju, tabik pun jama kutti rumpok.

SEGAGA SAI TUHA

Dalam kehidupan masyarakat adat Lampung di Lampung Barat khusunya yang menjadi ikutan/tutukan adalah yang tertua, demikian juga dalam keluarga yaitu yang tertua dalam keluarga tersebut, dalam adat istiadat juga yang tertua dalam status gelar adat dalam kehidupan adat istiadat tersebut dalam kehidupan keseharian tentunya tidak terlepas dari kegiatan adat istiadat adapun dalam kehidupan diluar kegiatan adat seumpama di kantor, pasar, sekolah dll maka tata cara kehidupan adat harus menyesuaikan dengan kondisi tersebut dimana bumi dipijak disitu langit dijunjung sangat cocok untuk diterapkan tatkala kita tidak memakai tatacara adat istiadat.

Kepemimpinan adat hanya berlaku bagi sekelompok adat tersebut dan juga didalam kegiatan adat istiadat umpamanya hajjatan baik berupa nikahan, sunatan dll yang masih berkaitan dengan menggunakan kegiatan adat pada pelaksanaannya acaranya, kalaupun seseorang tidak mau memakai acara adat maka yang dipakai acara nasional dan kewenangan adatpun dalam acara tersebut kurang difungsikan, karena statusnya dalam acara tersebut berdasarkan hasil keputusan rapat panitia, bukan rapat adat istiadat, kalau dalam masyarakat adat kewenangannya didalam adat itulah umpamanya seorang raja, maka kewenangannya dalam mengatur terdapat dalam strata dibawahnya yaitu pihak batin-batin yang ada dibawah naungannya, demikian juga dengan seorang suntan maka ia hanya berwenang untuk mengatur kewenangan dibawahnya yaitu raja-raja dibawah kepemimpinan adatnya, lalu bagaimana dengan lain kepemimpinan katakanlah lain dalom/beda suntan, maka harus dilihat waktu itu yang memiliki pekerjaan (gawi adat pada kepemimpinan siapa) maka status yang lain sebagai pihak yang membantu dan tidak berwenang untuk memutuskan sesuatu keputusan adat. Adapun sebagai kehormatan diikutkan saja dalam acara musyawarah adat, sebagai pemberi pertimbangan masukan dan arahan yang sekirannya diterima akan tetapi keputusannya tetap pada pimpinan adat setempat (yang sedang mempunyai gawi adat).

Kalau hal tersebut dapat diterapkan dalam masyarakat adat tentunya tidak akan terjadi benturan-benturan dikarenakan berbeda kepentingan, hukum adat ini tidah tertulis akan tetapi kalau diikuti secara baik tentu tujuannya juga untuk ketentraman, karena masing-masing menjadi pengayom bagi anak buahnya.

Yang membuat sesuatu menjadi sebuah benturan apabila seseorang tersebut tidak mau lagi berpatokan dengan adat yang sebenarnya, biasanya dikarenakan faktor ekonomi yang mafan dan agak berlebih diberikan oleh Allah Swt. Maka disitu timbul suatu keangkuhan dan merasa ke-akuan-nya lebih besar didukung dan diikuti oleh masyarakat sekitarnya yang merasa silau dengan faktor yang namanya faktor ekonomi maka peran adat akan tersingkirkan oleh peran ekonomi tersebut, karena ekonomi bisa mempengaruhi orang, mengarang sebuah cerita dan sejarah, serta berbuat seenaknya dengan kemampuan ekonominya yang dimilikinya.

Peran ekonomi ini saya buat sebuah contoh dan pernah terjadi dalam sejarah pada sa’at panen raya (ngegetas) ada dua orang yang kebetulan secara bersamaan melakukan ngegetas yaitu seorang dalom akan tetapi miskin dan seorang radin tetapi ekonomi berlebih melakukan kegiatan panen secara bersamaan maka semua masyarakat dalam adat tersebut hampir dikatakan akan sebagian besar mengikuti radin menolong radin tersebut karena masyarakat akan lebih silau dengan ekonominya.

Demikian juga dalam gawi adat sekalipun seorang radin akan meminta dalam proses arak-arakan jalan pengantin tentunya agar dibuat lebih meriah karena dalam acara gawi adat tentunya dengan ekonomi yang berlebih akan membuat suasana lebih meriah dan lebih wah seorang radin tersebut meminta agar waktu jalan memakai jalannya raja (diregahko raja) dengan pernak pernik kelengkapannya yang memang agak lebih dari seorang radin dan juga faktor untuk menghilangkan seorang diatasnya seumpama seorang batin yang biasanya juga kurang berperan dalam adat juga karena faktor ekonomi yang agak kurang.

Demikian juga dalam sekala yang lebih besar antar kepala hadat/suntan baik didalam dan juga antar pekon dan lain-lain, banyak saya perhatikan seseorang kepala hadat yang sebenarnya juga sengaja tidak diperankan dalam kegiatan dikarenakan kepala hadat tersebut miskin, demikian juga dengan cerita dan sejarah sengaja dikarang dengan sesuatu yang dibuat versi baru, sering saya perhatikan ada suatu perdebatan antara cerita sejarah yang sebenarnya dengan versi cerita orang tua dan cerita yang dikarang dengan sebuah catatan maka akan lebih kuat certita yang dikarang dan diterbitkan dalam sebuah buku walaupun kenyataannya versi buku lebih kepada sebuah karangan baru oleh penulisnya dari pada berpijak pada sejarah ini lebih merajalela dizaman oede baru dimana banyak pemimpin menerbitkan buku sendiri-sendiri dengan versinya sendiri padahal banyak yang lebih mengerti dengan hal ikhwal yang sebenarnya akan tetapi ceritanya tidak menarik karena tidak bisa menyusun kata-kata yang indah maka musnahlah cerita yang sebenarnya tersebut. Perdebatan tersebut pernah saya dengar dengan bahasa yang keluar dari pihak yang mempercayai versi baru (karangan buku) “dang niku ngacicak jama cerita karanganmuno kanah niku tekawa radu wat versini pemerintah rik radu diakui serta disahko pemerintah tutuk ria sai radu disahko pemerintah ingok kanah niku tekawa” begitu yang pernah saya dengar perdebatan tersebut. Kalau dalam bahasa Indonesianya yaitu jangan kamu sering-sering bercerita seperti itu nanti kamu dipenjara karena cerita tersebut telah ada dalam bentuk buku yang diterbitkan oleh Pemerintah dan diakui oleh pemerintah jadi sudahlah ikuti aja yang sudah ada gak usah macam-macam ingat nanti kamu dipenjara, itulah kurang lebih maksud dan maknanya kalimat diatas.

Dari uraian yang saya buat secara singkat diatas tersebut apa sebenarnya yang terkandung didalam makna kisah-kisah tersebut diatas, tidak lain sebuah kehormatan semu kehormatan yang dibuat bukan berdasarkan kisah dan tanggung jawab yang sebenarnya, dimana karena yang dituakan maka dialah yang dihormati maka timbullah untuk membuat suatu cerita agar menjadi yang tertua karena yang tertua biasanya bisa memimpin dan mengayomi dan akhirnya dihormati, maka timbullah upaya untuk selalu berbuat dan berupaya menjadi yang tertua dalam bahasa Lampung yaitu SEGAGA SAI TUHA.

Harapan saya mari kita gali lagi sejarah yang sebenarnya ke-otentikan sejarah yang sebenarnya walaupun miskin kalau memang dia yang berperan didalam daerah tersebut ayo kita dukung, jangan terus menerus untuk tersesat sementara kita tau sendiri kita tersesat dan tidak mau berobah dan mengakui kita tersesat karena faktor gengsi / harga diri yang berlebihan, sejarah adalah sebuah peradaban dan cerita yang berlaku saat itu bukan sebuah karangan, karena dunia selalu berputar pada porosnya aturannya sudah ditentukan oleh Tuhan Allah SWT. memang untuk faktor ekonomi selalu berputar ada kalanya seseorang mempunyai ekonomi lebih dan ada kalanya pasa-pasan bahkan kurang janganlah faktor ekonomi sengaja mengaburkan keberadaan sejarah yang sebenarnya. KARENA SEMURAH APAPUN YANG NAMANYA KOPIYAH AKAN DIPAKAI DIKEPALA, DAN SEMAHAL APAPUN YANG NAMANYA SEPATU TETAP AKAN DIPAKAI DI KAKI. Wallohualam semoga masih ada yang setuju....