NYUMBANG CUTIK

Ucapan Terima Kasih Jak Menteri Dalam Negeri Jendral (Pur.) Rudini jama Tokoh Adat way Mengaku Suntan Pemuka waktu peresmian Kabupaten Lampung Barat tanggal 24 September 1991. kontribusi masyarakat Way Mengaku menyerahkan tanah adat seluas 32 Ha untuk kepentingan lokasi perkantoran Pemda Lampung Barat.

Wacana terjadi pemekaran ni Lampung Barat ji senangun jak tumbai radu kedengisan jama masyarakat rik haga betul-betul terwujud di masyarakat terutama waktu zamani Alimuddin Umar, SH ngejabat sebagai ketua DPRD Provinsi Lampung.

Zaman dinana kik maksalah wat kampanye Golkar rangni yaddo dilambanni Huzairin tepatni di simpang serdang waktu seno simpang serdang lamban ampai cutik ireh,.. disan wat wacana jak Alimuddin Umar, SH aga menempatkon posisini pusat perkantoran untuk Lampung Barat yaddo di Atar Kudan, Pekon Way Mengaku kik tanno ajo yaddo komplek Perkantoran Pemda.

Nyak aga cerita cutik muneh berdasarkon warah jak sai tuha-tuha bahwa Way Mengakuji wat Persawahan Kering, rang kak aga busaha bedarak kidang syaratni kak radu jak 3 tahun harus maleh rang, tujuanni tanoh sai jak tigarap mawek terlalu tandus istilahni mungkin tipermuda kondisi tanoh yaddo tisani pulan luot semetara, kepemilikanni atar seno deni masyarakat Way Mengaku secara keseluruhan secara hadat istiadat.

Selanjutni muloh luwot mit di rencana pemekaran seno, yaddo waktu kampanyeno tuha-tuha hadat sai wat di Way Mengaku dikumpulkonni. Alhamdullillah 5 (lima) tuha hadat kumpul sunyin daleh setuju jama wacana seno, sebalikni atas kebaikan 5 (lima) tuha hadat yaddo nantini Alimuddin Umar no aga ngejamin bahwa anakni sumbai lima kemeno aga tiangkat jadi PNS. Kidang Allhamdulillah sampai tanno janji seno tinggal janji ria. gelarni masyarakat pekon mawek pandai kung haga nyani perjanjian diatas segel sai ngedok kekuatan hukum ingkah percaya di ralisni janji (lugu rik jujur seno sifani masyarakat pekon) makung pandai haga bebuhungan.

Tanoh sai diserahkon masyarakat Way Mengaku sebetulni sebelah timur masyarakat Way megaku sebagi-bagi dibatasi oleh kepemilikanni tuha-tuha hadat yaddo di sepanjang jalan Flamboyan alamatni kik tanno, sedangkan sebelah barat seunyinni sampai batas way robok jak pingger relaya diserahkon di Pemerintah sebagai Hibah, kidang kenyataanni waktu pengukuran pihak-pihak sai ikut ngebagi tanohno mangsa muneh masyarakat mak pandai jak ipa dasarni tian kemeno mangsa tanoh muneh mungkin mani kala dinana tian jadi Pejabat daleh masyarakat Way Mengaku mawek muneh hak usil terhadap kejadian seno.

Seiring perkembangan zaman nyak pernah ngeluleh bukti hibah waktu dinana yaddo Sekdani kikmak salah dinana Mursid Arsyad nyak sengaja mulang jak Jakarta rik barong jama tian telu tokoh adat muneh ngelulehni, juga sampai tanno realisasini masalah bukti hibah seno mawek kik ngedok pak berupa kertas sang kelawing ya mawat, disan mak ngedok maksud api-api kintu in jadi buukti sejarah gaoh bahwa dilom Pembangunan di Lampung Barat ji sekam jak Pekon Way Mengaku turuk muneh ngedok kiprah. walaupun bagini Pemerintah mak ngedok guna kidang bagi sekam balak ireh manfaatni sebagai bukti bahwa sekam juga turuk/ikut NYUMBANG CUTIK atas pembangunan senno.

Antak ijapai warah sekedar cerita masa lampau, kekalau sanak kemeno generasi penerus sai ngelanjutkon kehurikan dipekon Way Mengaku mengerti sejarah mani mejarang sai ketetohan aga ngewarahkeni aga bucerita sementara saksi sejarah radu rata-rata mulang ke Rahmatullah (mak lagi/meninggal duunia).

Wassalam daleh tabik Punnnn sekam jelema mak menalom jaoh kik aga mepintar. kintu bang salah kelitah serta penyawa seno andahni kekurangan sekam sai nyata.